بھارت پچھلی کئی دہائیوں سے کشمیریوں اور سکھوں کی نسل کشی کر رہا ہے، راجہ سکندر خان

لندن (نمائندہ خصوصی )برطانیہ میں مقیم کشمیری بین الاقوامی تنظیم جو ڈائاسپورا کی نمائندگی کرتی ہے اور عالمی شہرت یافتہ تھنک ٹینک گلوبل پاک کشمیر سپریم کونسل کے چیئرمین راجہ سکندر خان اور گریٹر لندن کے صدر راجہ حسنین سلطان کا بھارتی یوم آزادی پر یوم سیاہ، احتجاجی مظاہرہ اور ریلی۔ تفصیلات کے مطابق پاکستان پیٹریاٹک فرنٹ کے چیئرمین چوہدری طارق محمود، سیکرٹری اطلاعات تحریک کشمیر برطانیہ ریحانہ علی نے کشمیریوں اور سکھوں کے ساتھ مل کر بھارت کے یوم آزادی کو یوم سیاہ کے طور پر منایا اور بھارتی ہائی کمیشن لندن کے باہر پرامن احتجاج کیا۔احتجاج کا اہتمام گلوبل پاک کشمیر سپریم کونسل اور سکھوں نے کیا تھا۔کشمیریوں اور سکھوں کے مظاہرین نے بینرز اور تختیاں آویزاں کیں اور ’’بھارتی فوج کشمیر سے باہر‘‘، ’’بھارت کشمیر میں انسانی حقوق کی خلاف ورزیاں بند کرو‘‘ اور کئی دوسرے نعرے لگائے۔
چیئرمین راجہ سکندر خان نے میڈیا کو بیان دیتے ہوئے کہا کہ بھارت پچھلی کئی دہائیوں سے کشمیریوں اور سکھوں کی نسل کشی کر رہا ہے جس کے نتیجے میں لاکھوں بے گناہ انسانی جانیں ضائع ہو چکی ہیں، کشمیریوں کی جبری تردید اور کشمیریوں کی نسل کشی- کشمیریوں اور سکھوں کا بنیادی پیدائشی حق خود ارادیت اقوام متحدہ کے انسانی حقوق کے اعلان کی صریح خلاف ورزی ہے۔راجہ سکندر نے عالمی برادری سے بھی اپیل کی کہ وہ کشمیر میں انسانی حقوق کی خلاف ورزیوں کو روکنے اور کشمیریوں اور سکھوں کو پیدائشی حق خود ارادیت دینے کے لیے بھارت پر مداخلت اور دباؤ ڈالے۔بھارتی ہائی کمیشن کے باہر پولیس کی بھاری نفری موجود تھی تاہم احتجاج پرامن طریقے سے کیا گیا۔