یاسین ملک معاملہ‘ سینئر وکلاء پر مبنی تھنک ٹینک بنا رہے ہیں‘ راجہ سکندر خان

بھارتی کینگرو عدالتوں نے یاسین ملک کو جھوٹے مقدمات میں سزا سنائی‘چیئرمین گلوبل پاک کشمیر سپریم کونسل

لندن (نمائندہ خصوصی)برطانیہ میں مقیم کشمیریوں کے حقوق کی تنظیم اور تھنک ٹینک کے گلوبل پاک کشمیر سپریم کونسل (GPKSC) راجہ سکندر خان اور صدر GPKSC چوہدری کالا خان نے صدر آزاد جموں و کشمیر کے نئے تعینات ہونے والے مشیر گریٹر لندن چوہدری دل پزیر کے اور ممتاز صحافی و سابق صدر CUJ ضلع میرپور کے چیف ایڈیٹر چوہدری خالد محمود انجم جو برطانیہ کے مختصر دورے پر ہیں کے اعزاز میں عشائیہ دیا۔پروگرام کا آغاز GPKSC یوتھ کے سینئر کوآرڈینیٹر ہاشم خان کی تلاوت کلام پاک سے ہوا اور چیئرمین جی پی کے ایس سی راجہ سکندر نے تمام مہمانوں کو خوش آمدید کہا خاص طور پر مہمان خصوصی چوہدری دل پزیر اور چوہدری خالد محمود انجم کو اور تمام مہمانوں کو بریفنگ دیتے ہوئے کہا کہ یہ تقریب صدر آزاد جموں و کشمیر کے نئے تعینات ہونے والے گریٹر لندن کے مشیر کو مبارکباد دینے اور ممتاز صحافی و سابق صدر CUJ ضلع میرپور چوہدری خالد محمود انجم کو برطانیہ میں خوش آمدید کہنے کے لیے منعقد کی گئی تھی۔ چیئرمین GPKSC راجہ سکندر خان نے مہمانان خصوصی چوہدری دل پزیر اور چوہدری خالد محمود انجم کو مدعو کیا تاکہ وہ کمیونٹی کے لیے اپنی خدمات سے آگاہ کریں جس پر دونوں نے اچھی طرح سے بریف کیا اور صدارتی مشیر صدر ریاست آزاد کشمیر چودھری دلپزیر نے تقریب سے بطور مہمان خصوصی خطاب کرتے ہوئے کہا کہ صدر ریاست آزاد حکومت نے مجھ پر جس اعتماد کا اظہار کیا گیا ہے کوشش کرونگا کہ اسکو پوری دیانت داری ایمانداری سے پورا کروں اور اپنی بساط میں رہتے ہوئے اوورسیز کے مسائل جو کہ مجھ سے بھولے ہوئے نہیں ہیں کے حل کے لیے اپنی ہر ممکن کوشش کو بروئے کار لاؤں۔

چودھری دلپزیر کا مذید کہنا تھا کہ آپکی تنظیم کسی ایک پارٹی کا لیبل اپنے ساتھ ہر گذ نہیں لگنے دیتی جو کہ آپکی کامیابی کا زینہ ہے۔ تقریب کے مہمان خصوصی معروف صحافی و سابق صدر CUJ ضلع میرپور چودھری خالد محمود انجم نے کہا کہ تارکین وطن ہماری امیدوں اور امنگوں کا مرکز ہیں ملکی مشعیت کو دوام بخشنے میں ان کا کلیدی کردار کبھی بھی فراموش نہیں کیا جاسکتا، ان کے دل ہم اپنے ہم وطنوں کے ساتھ دھڑکتے ہیں جب وطن عزیز سے آنے والے مہمانوں کے اعزاز میں تقاریب کا انعقاد کرنا ان کی عزت افزائی کرنا اوورسیز کا طرہ امتیاز ہے آج کی تقریب اور اس میں ہر مکتبہ فکر کی شرکت یقننا ایک خوبصورت امر ہے ہم ہر فورم پر ان کے مسائل کو اجاگر کرتے رہینگے ہمیں تارکین وطن سے امید ہے کہ وہ موجود حالات کے تناظر میں مسلہ کشمیر پر اپنا کام تیز کریں بالخصوص یاسین ملک کو بہیمنانہ سزا کے خلاف بھارتی چہرہ بے نقاب کریں۔مہمان تقریب معروف صحافی و سابق صدر CUJ ضلع میرپور چودھری خالد محمود انجم نے مذید کہا کہ ملکی سالمیت اور استحکام کے لیئے کام کرنا وقت کی اہم ضرورت ھے،پاکستان کوداخلی بحران سے نکالنے کے لیئے سیاسی جماعتوں کو ایک پیج پر جمع ہونا پڑے گا۔چیئرمین جی پی کے ایس سی راجہ سکندر نے کہا اس پروقار محفل سے فائدہ اٹھاتے ہوئے ہم نے بیرسٹرز اور وکلاء پر مشتمل تھنک ٹینکس کا ایک قانونی پینل بنانے کا فیصلہ کیا ہے جس کی سربراہی صدر چوہدری کالا خان کریں گے جو خود بھی بہت سینئر وکیل ہیں، لیگل پینل اکٹھے ہو کر آگے بڑھنے کا راستہ تلاش کرے گا۔ کشمیری حریت رہنما یاسین ملک کا معاملہ جسے بھارتی کینگرو عدالتوں اور دیگر کئی سیاسی قیدیوں کے جھوٹے الزامات لگا کر عمر قید کی سزا سنائی تھی۔اور بہت سے دوسرے سیاسی قیدی جو نظربندوں اور جیلوں میں مقدمے کی سماعت کا انتظار کر رہے ہیں _ قانونی پینل تمام ثبوت اور معلومات حاصل کرنے کا راستہ تلاش کرے گا اور انسانی حقوق کی خلاف ورزیوں اور یاسین ملک کو غلط طریقے سے سزا پر بھارتی وزیر اعظم نریندر مودی کے خلاف عالمی عدالت میں مقدمہ درج کرنے کی کوشش کرے گا۔لیگل پینل 11 لیگل پروفیشنلز کی ٹیم پر مشتمل ہو گا اور چیئرمین GPKSC راجہ سکندر نے بیرسٹر چوہدری محمود خان اور بیرسٹر ذیشان میاں کو لیگل پینل کے ایگزیکٹو ممبر کے طور پر نامزد کیا ہے۔

چیئرمین جی پی کے ایس سی راجہ سکندر نے انڈر لسٹڈ مقررین کو مہمان خصوصی کے لیے چند الفاظ کہنے کے لیے مدعو کیا اور صدر گریٹر جی پی کے ایس سی لندن راجہ سلطان ذل الحسن علی خان، راجہ نوید اختر، راجہ ارشد خان، راجہ اعجاز محمود، لارڈ پاشا، کیپٹن (ر) ڈاکٹر شبیر قریشی، نذر لودھی، پروفیسر شکیل، مونا بیگ، نادیہ جعفری، نعیم طاہر، ابھرتے ہوئے اسٹار شایان علی، ریحانہ علی، ساحرہ قیوم، بیرسٹر محمود خان اور بیرسٹر ذیشان میاں نے صدر آزاد جموں و کشمیر کے گریٹر لندن کے مشیر چوہدری دل پزیر کو مبارکباد دی اور ممتاز صحافی چوہدری خالد محمود انجم کو یوکے میں خوش آمدید کہا اور دونوں مہمانوں کے انسانیت کے لیے کام اور کمیونٹی کے لیے خدمات کو سراہا۔ سب نے کہا کہ وہ بھارتی مقبوضہ جموں و کشمیر کے لوگوں کی حمایت اس وقت تک جاری رکھیں گے جب تک انہیں ان کا بنیادی پیدائشی حق خود ارادیت نہیں دیا جاتا۔ تقریب سے خطاب کرتے ہوئے ریحانہ علی انفارمیشن سیکرٹری تحریک کشمیر یوکے نے کہا کہ بھارت غیر قانونی AFSPA ناجائز ہے جبکہ UAPA اور PSA غیر قانونی ہیں کیونکہ وہ ختم ہو چکے ہیں لیکن بھارت ابھی تک ان کو استعمال کر رہا ہے انکی اب کوئی قانونی حیثیت نہیں ہے کیونکہ وہ اب ان کی قانونی حثیت ختم ہو چکی ہے جب سے بھارت نے 44 ویں ترمیمی ایکٹ 1978 پاس کیا اور آئین سے آرٹیکل 22(4) اور (7) کو بھی ہٹا دیا۔ بھارت کشمیریوں، بھارتی اقلیتوں کو بطور مسلمان، سکھ اور عیسائی عمر بھر کی قید اور سزائے موت دینے کے لیے غیر قانونی ان قوانین کا استعمال کر رہا ہے جو کہ اب ختم چکے ہیں بھارت جنیوا کنونشنز کی بھی خلاف ورزی کر رہا ہے کشمیر ایک متنازعہ ریاست ہونے کی وجہ سے اور اس کی واحد سزا بھارت پر تجارتی پابندی ہے جس کا مطالبہ متحد ہو کر کرنا ہو گا _ تقریب سے خطاب کرتے ہوئے مسلم روز ویلفئیر کی بانی ساحرہ قیوم نے کہا کہ ہم اپنی بساط میں رہتے ہوئے عوام کی سہولیات کے لیے ہمہ وقت میدان عمل میں ہیں اور کوشش کرتے ہیں کہ جس حد تک ممکن ہو عوام کو ریلیف فراہم کر سکیں۔
تقریب سے خطاب کرتے ہوئے مسلم روز ویلفئیر کی بانی ساحرہ قیوم کا مذید کہنا تھا کہ سندھ میں اس وقت سب سے اہم مسلہ پانی کا ہے جسکے حل کے لیے ہم نے وہاں پر بے شمار کام کیا ہے اور اب جلد ہی دوبارہ وہاں پر جا رہی ہوں تاکہ عوام کے مذید کام آ سکوں جبکہ آزاد کشمیر کے علاقے نیلم سے بھی بہت سے لوگوں نے ہمارے ساتھ رابطہ کیا ہے وہاں بھی عوام پانی کی بوند بوند کو ترس رہے ہیں انشائاللہ کوشش کریں گے کہ انکے مسائل انکی دہلیز پر حل کر سکیں اورصدر GPKSC چوہدری کالا خان نے تمام مہمانوں کو لیگل پینل کے اغراض و مقاصد سے آگاہ کیا اور چوہدری دل پزیر کو صدر آزاد جموں و کشمیر کا مشیر بننے پر گریٹر لندن بننے پر مبارکباد دی۔آخر میں خوبصورت محفل کی طرح خوبصورت کھانوں سے تمام مہمانوں کی خاطر تواضع کی گئی اور مہمان ایک دوسرے سے گھل مل گئے۔

جواب دیں

آپ کا ای میل ایڈریس شائع نہیں کیا جائے گا۔

Back to top button